If I Fall

Photo not mine.

May contain SPOILERS. Read at your own risk.

Ngayon lang ulit ako mag-rereview ng wattpad story. Actually, ngayon lang talaga sa blog na to. Ang masasabi ko lang sa story na to, napaka-realistic niya. Napakaganda. Maayos ang way ng pagkakanarrate nung author. Gustong-gusto ko yung pag-build up ng mga characters. Nagustuhan ko rin yung POVs dahil talagang mapapaisip ka kung bakit ganito, bakit ganyan yung nangyari. Mapapaisip ka talaga kung ano yung mga mangyayari sa susunod na chapters. Bawat character, may unique side. Bawat isa sa kanila, may iba't ibang ugali na mas nagbibigay interes dun sa mismong story. And wala akong maipipintas sa plot niya. The plot is perfect for me. 

Sobrang dami kong emotions na naramdaman dito sa story na to. Sa bawat paghihintay ko ng update, di ko maiwasang, mapaisip na... "Shet, ano kayang susunod na mangyayari?" "Bat ganun? Huhu." "Ahhh. Yun pala." Alam mo yung sobrang sasabog na yung utak ko sa kaiisip. Tsaka sa sobrang realistic, di ko maiwasang isipin na baka mangyari yun sa akin. Kasi di naman sa lahat ng pagkakataon, masaya ang mga mararanasan ng mga tao sa kanyang life journey.

Nakakarelate din ako kasi High School to eh. May ilang mga scenes na nangyari na sa akin at may ilang mga activities na binaggit na, nagaganap din sa school namin. Mafee-feel mo talaga yung bawat pangyayari kasi nga makakarelate ka.

Each character is unique. Sobrang pinapahalagahan ng author ang bawat isang character kahit mapa-protagonist, antagonist o isang extra lang, makikita mo yung worth niya. Example, si Jenica/Jennica. Di naman siya extra pero kahit ganoon yung pag-akto niya sa story, malaking part siya. Bakit? Kasi napatunayan lang naman nina Chester at Nine na mahal nila ang isa't isa and one of the reasons is JENNICA/JENICA. Isa pa, si Lola Babes. Kahit panandalian lang siya sa story, malaki yung naging impact niya kina Barbs at Cyrus.

--

Let me give a review about the characters I like. Opinion ko lang so yeah...

Barbs - Sa nakikita ko sa kanya, isa siyang matapang na babae pero she's definitely fragile inside. Minsan, di ko siya mabasa. Iba kasi ako kay Barbs eh. Oo, medyo may pagka-boyish rin ako pero yung pag-iisip ni Barbs, sobrang lalim. Yung mga opinyon niya, minsan, marerealize mo na lang na, ay oo nga. Tama pala si BARBS. Sa thoughts, may ilan kaming pagkakapareho ni Barbs. Barbs is too smart for me. Her way of thinking is waaaaay different than me because I think she is mature enough. Actually, di ko nga ineexpect yung pinili niya sa ending, kasi alam ko naman na kahit sinong babae si Cyrus ang pipiliin. Yung sweet words and gestures niya kasi yun yung tipong nakakabihag sa mga babae eh. Sabi nga ni Barbs "Yan ang hirap sa mga babae eh. Masabihan lang ng I love you, titiklop na agad." (Not the exact words XD) Well, that proved kung bakit niya pinili si Bello. 

Sinaktan ni Cyrus si Barbs. Yeah... Ramdam ko yun nung bumalik siya kay Tatin? Oh Lord. Masakit. Kahit di aminin ni Barbs, masakit yun. Sabi nga rin sa If I Fall "Use your brain, not that stupid cardiac muscle." At yun ang ginawa ni Barbs, pinili niya kung kanino siya sasaya at yun ay sa piling ni Bello. Ayaw na siguro niya ma-experience yung hurt kay Cyrus at baka napagod na siya. Oh well, who am I to know? 

Barbs taught me to become a strong person pero di sa lahat ng oras ay kailangan maging malakas, dahil darating parin ang oras na mas gugustuhin nating maging mahina dahil yun lang ang makakapagpagaan ng loob natin.

Cyrus - Sabi nga sa story, si Cyrus ay isang CONUNDRUM. Meaning a hard riddle to figure out. And it's freakin true. Umpisa palang, di ko na mabasa si Cyrus. Rather, maintindihan pala. May something kay Cyrus na maiinlove ka na lang sa kanya kahit wala naman siyang ginagawa dahil nga sa sobrang misteryoso niya. Cyrus is one of a kind. Sa panahon ngayon, bihira na lang ang mga lalaking kagaya ni Cyrus, yung sobrang lalim mag-isip at kung makapag-salita eh daig pa ang karagatan sa sobrang lalim. For me? Pareho sila ni Barbs ng pagiging malalim pero iba sila ng way ng pag-iisip.

Sa totoo lang, medyo nasaktan ako nung pinili ni Barbs si Seth sa huli. Truthfully, Team Cyrus ako eh. For me kasi, nasa kanya na lahat ng hinahanap ng isang babae sa isang lalaki. Pero sino nga ba naman ako para kwestiyunin ang desisyon niya. Di naman ako si Barbs eh. Di naman ako si BARBS na kailangang mamili sa dalawang naggagwapuhang mga lalaki. Tsaka, gusto ko rin naman si Seth. Kakaiba siya and such pero ewan ko. Naguguluhan din ako sa kanya. 

--

All in all. The best ang If I Fall.

--

Over all Rating: 5/5 stars :)