Buhay Wattpad.

Madami na akong stories na nabasa sa wattpad. Mahigit isang taon na rin akong nakatambay sa website na yan. 2nd year ako noong una kong malaman ang wattpad. Simula September 2011 ay gumagala na ang aking kaluluwa sa loob ng wattpad universe. And guess what kung paano ko unang natuklasan ang mahiwagang website na to...

Ng dahil sa KathNiel.

Oo naman. Second year ako nung magsimula akong maging fangirl ng loveteam na yan. Adik na adik nga ako sa kanila dati eh. As in alam mo yun, sila lang ang laman ng twitter account ko, tumblr, etc.

Actually nakita ko ang wattpad ng dahil sa tumblr. May nag-post kasi ng link doon ng isang story. KathNiel story siya. Sabi ko, ano ba tong wattpad na to? Mamaya scam to or whatever. Pero nung mabasa ko na isa itong site for creating/reading stories, edi gorabels lang sa pag-click ng link. Wapakels na kung ano man tong bagong mundong papasukan ko sa internet.

Medyo nagsasawa na kasi ako sa mga librong hinihiram at binabasa ko sa library. Gusto ko ng something new. Yung bago sa panlasa, paningin, pang-amoy ko. Yung magiging interesado ako. At ayun na nga. Nahanap ko na si Wattpad.

Sa loob ng isang taon kong pagtambay at paggala sa wattpad, marami na akong nabasang storya. Nung una eh, sobrang excited ako. Kasi nga bago siya sa paningin ko. Lumawak nga ang pananaw ko sa mga bagay-bagay at naging malawak rin ang imagination ko ng dahil sa wattpad eh. Pero habang tumatagal na ang paggala ko sa site na yun, di naman sa nagsasawa na ako, pero paulit-ulit lang rin kasi kadalasan yung mga plots ng stories. Yung tipong magkakabanggaan sina boy at girl then sila na pala yung protagonists sa story. Pero kahit ganun, di ako nagsasawa. Sabihin na nating cliche na yung mga binabasa ko, wala akong pakialam kasi nag-eenjoy ako.

Ano nga ba yung unang-unang story kong nabasa?

Probably, yung 'This Crazy Love'. KathNiel siya. Actually, yun nga yung story na nakita ko sa tumblr eh. Nagandahan ako. Kaya lang di ko siya natapos. Medyo naging busy na rin kasi ako nun eh.

Kaya naghanap ako ng iba. Actually, nung una, ayokong magbasa ng story kapag hindi KathNiel yung bida/characters. Pero since ala-dora nga ang peg ko noon sa wattpad kasi nga bago palang ako eh, tumingin-tingin ako sa stories na binabasa ng mga finafan ko.

I can't remember kung kaninong profile ko nakita tong first ever non-KN story na nabasa ko pero shems. Na-hook ako agad. Naadik ako. Then, dun na nag-start ang kaadikan ko sa wattpad.

And oh! Yung first non-KN wattpad story na nabasa ko? Diary ng Panget by HaveYouSeenThisGirl 

Yun nga yung tinuturing kong 'First Love' ko sa wattpad. Ito kasi yung story na una kong nabasa at ang siyang dahilan kung bakit wattpad ang dakila kong tambayan these days. Na-inlove ako sa character ni Cross. Yung tipong sobrang sungit pero may tinatago naman palang sweet bones sa katawan.

Dun rin nag-start ang HIGH STANDARDS ko pagdating sa mga lalaki. Kasi diba sa wattpad, ang mga leading men eh yung mga almost perfect na? Yung tipong ang yaman, gwapo, sweet, matangkad, may killer smile, sikat, artista, gangster, carrot, cabbage, mais at kung anu-ano pang ek ek.

Pero kung iko-compare mo naman sila sa mga lalaking kilala ko ngayon, aba! Walang-wala sila sa mga wattpad characters na nababasa ko ngayon. Ibang-iba. Dun ko na-realize ang boundary ng fiction sa non-fiction.

Magkaiba ang realidad sa FICTION.

Sa dami ng stories na nababasa ko {Mostly Romance/Teen Fiction} ay parang alam ko na rin yung feeling kapag naiinlove ka o nasasaktan ka. Ako naman, di ko pa naman naeexperience ma-inlove/masaktan pero dahil sa wattpad, ramdam na ramdam ko.

Kaya siguro kung dumating yung time na ma-inlove ako? Alam ko na yung mararamdaman ko. Kung masaktan man, siguro, sasabihan ko ang sarili kong 'Napakatanga mo!' Bakit? Kasi nakabasa na nga ako ng mga stories na ganyan, di pa ako nag-ingat. Nagpakatanga pa rin ako. O diba? Feeling ko naman may malaking maitutulong din ang wattpad sa buhay ko eh. Medyo mawawarningan ka sa mga bagay na maaaring mangyari sayo in the near future.

Iba't ibang genre na ang mga nabasa ko. Romance, Teen Fiction, Fantasy, Horror, Mystery, Adventure at ang nakakahibang na non-Teen Fiction na pang-mature ang utak.

Eto na, iisa-isahin ko na rin siguro yung mga naging epekto sa akin ng wattpad bilang isang estudyante. Bilang isang mambabasa.

Positive Effects for me.

• Lumawak ang pananaw ko sa mga bagay-bagay. Compare mo naman sa dati kong mga perspective, ay nag-mature na nga ang pag-iisip ko. Di na lang ako basta-basta gumagawa ng mga bagay na sa tingin ko ay magiging mali.
• Lumawak ang vocabulary ko! Aba! Madami akong words na natutunan sa wattpad ah. Lalo na sa works ni ate leng aka shirlengtearjerky. Nagsikap talaga akong i-search yung mga words na ginagamit niya dun para di ako magmukhang mangmang.
• Nakakafeel ako ng mga bagay na sa ngayon, ay di ko pa nararanasan. Gaya na lamang ng love. Love is a complex word na di mo siya magawang ma-explain hangga't di mo pa nararanasan. Pero ng dahil sa wattpad, naranasan kong ma-inlove. Though, dahil lang talaga siya sa words pero, nalaman ko na masarap ang feeling pag inlove ka. At kabaligtaran naman yun kapag nasasaktan ka. 
• Imagination. Natuto akong mag-imagine ng todo to the highest level. Yung tipong out of this world imaginations? Na sa bawat story na binabasa ko, eh binibigyan ko ng alternate scenes/endings to satisfy my mind and soul. Ng dahil din sa wattpad, na-inspire tuloy akong magsulat kaso medyo fail naman. Kasi wala pa akong natatapos na story XD
• Nakakaalam ako ng mga bagong bagay. Nakakaalam ako ng mga bagong kanta, movies, series or books ng dahil included sila sa mga stories sa wattpad. Let's take Voiceless as an example. Isa siyang story about sa isang banda and sa isang fangirl. And what do we expect from these kinds of stories? Malamang maganda ang song choices. 
• Hobby. Kapag wala kang magawa ano bang ginagawa mo? Nanunuod sa tv maghapon? Nakatitig sa computer habang naglalaro ng kung anong sikat sa FB? Nang-sstalk sa crush mo? o Babad to the max sa twitter. Ganyan ako dati. Wala akong magawang matino sa net. Pero nung natuklasan ko ang wattpad, wala na. Adik na XD
• Nakakakilala ako ng mga bagong kaibigan. Isa to sa mga pinakapositive para sa akin. Marami akong nakikilalang mababait na tao sa watty. Mapa-reader man siya o writer. 
• Nahilig ako sa kpop. Sa watty kasi kadalasan korean/asian ang characters. KAYA AYUN. NAADIK DIN SA KPOP. POSITIVE YUN GUYS! POSITIVE EFFECT SIYA! Kasi kung di dahil sa wattpad, di ko makikilala ang asawa kong si L XDD

Negative Effects for me.

• Nakakaadik siya. SOBRA. To the point na umabot ako ng 4 am ng dahil lang sa pagbabasa. Nase-stress naman ang buchi ko. Oo, negative siya para sa akin. Kasi yung oras ng tuloooog ko! Jusme XD
• Imagination. Dahil sa todong pag-iimagine ko, umaasa ako. Umaasa ako na baka mangyari sa akin yan someday. Pero hanggang pag-asa/pag-wish lang talaga yun. Hello lang ah. Ang laki ng boundary ng non-fiction sa fiction.
• NAKAKA-STRESS. Lalo na kapag dakilang eps ang kontrabida. Sobrang nakakainis. Ito pa, yung mga nakakaiyak na part. ALAM NIYO BANG WEAKNESS KO ANG MGA YUN?! Mababaw kaya ang mga luha ko. Kaya mas gusto kong magbasa ng mag-isa. Kasi di ko namamalayan, umiiyak na pala ako. Jusko.
• Distraction. May wattpad app ako sa phone ko, android siya. So kahit walang net/wifi nakakapagbasa pa rin ako. Pero ang nakakainis diyan, kapag time for review na, di ko mapigilan ang sarili ko na magbasa! Kasalanan ko bang mas nakakaengganyo basahin ang wattpad kesa sa text book ko sa chem at geom?

Nagsulat ako ng story sa wattpad. Actually stories. Kaso di ko siya nagawang tapusin. Dahil sa writer's block siguro. Pati na rin sa katamaran. At sobrang busy ko. Oo, 3rd year high school student palang ako pero parang college na rin ako sa sobrang daming pinapagawa sa school. 

Ewan ko ba kung bakit ko naisipang mag-blog neto. Actually, dapat story review ang iba-blog ko pero eto yung lumitaw bigla sa utak ko eh. Oh well.